Aspadenneù un amzér dréménet, diazé en amzér de zoned…

Ur hourhemenn, é gré Napoléon, deit ag en empeleur é unan kaer, e lakas Préfet en départamant de unanein diù barréz goh aveid seùel ur gumun neùé.

Unan ag en niù barréz-sé, MENDON, e oé édan bili senechalieh En Alré,  en all, LOKOAL, e oé ”staget” doh senechalieh En Henbont.

Perak enta unanein dré gri diù barréz dishañval ?

Napoléon, e vezé laret, 'doé hoant bras dismantrein  parréz Lokoal aveid ma vo ankoéheit soñj Jorj Kadudal, penn bras chouanned er Mor-bihan, é énebour miliget.
É Lokoal e chomé ul lodenn a familh Jorj ha dégeméret mad e vezé hanéh pen doé

rekiz dehoñ achap de soudarded er Républik.

Kastiet e oé Lokoal aveid bout bet repu penn er ré wenn.

Ne gomans ket hanes Locoal-Mendon é gré Napoléon mes kentoh, mil blé éraok, ahoel !

MENDON, revé en dud gouieg, e zo galianeg a orin :

-MEN e za ag er gér MAEN : gelloudeg, kriù,

pé MEINA/MENA : mengleu

pé hoah, én henvrehoneg, MONID / MANEZ : mané pé torgenn, motenn.

- DON e za ag er gér DUNON : Kriùléh, porh ged magoérieu-diùenn.

De laret é boud e zo choéj étré : Ihuelded diùennet, Mengleu ag en ihuelded, , Kriùléh ag en ihuelded......

LOKOAL, e zo aesoh de gomprenn : Lok + Goal .

Er gér latin ”locus” : léh santel,  e za de voud é brehoneg lok; er gér goal e zo anù sant Goal, (pé Gutual, Gurval  pé hoah Gudwal).

Tu e vé de lenn LOKOAL : peniti pé menati Sant Goal hag arlerh parréz Sant Goal .